Wp/isv/Fantazi

Fantazi (iz anglijskogo slova Template:Wp/isv/Lang) — jest žanr modernovoj umětnosti v literaturě, kině, igrah, rysovankah i inyh oblastjah, to jest podžanr/stil fantastiky. Žanr „fantazi” ima fantastične magične ili folklorne elementy, ktore sut realne v toj tvorbě, ale v našem světu one by byli nemožlive.

Mnogo znajema v cělom světu tvorba v žanru fantazi jest „Vladec Prstenev“ Dž. R. R. Tolkina.

Tipične elementy fantazi

Magija

Magija jest realna i ona ima svoje zakony.

Srědnjevěčje

Fantazijny svět može byti različny, ale tipičny fantazijny svět jest inspirovany Srědnjevěcjem.

Putovanje

Personaži fantazijnoj tvorby obyčajno putujut po světu da by dosegnuli svojih cěljěv.

Boj

Kulminacija fantazijnoj tvorby obyčajno jest boj, napr. magična ili fizična duel medžu herojem i jego neprijateljem.

Izmysljeni stvori i rasy

V fantazijnyh světah obyčajno živut ljudi, stvori, monstri i različne rasy, napr. elfi, hobbiti.

Temny Knez

Temny Knez, Lord ili Gospodin jest tipičny antagonist v fantazijnoj tvorbě.

Klasifikacija

Vse klasifikacije ne sut strogy, i granicy medžu podžanrami ne sut tvrdy. Tvorba može naležati do několikyh podžanrov ili ne naležati ni do jednoj klasifikacije.

Klasifikacija po temě

• Komedijno fantazi
• Temno fantazi
• Mitologično fantazi
• Historično fantazi
• Epično (vysoko) fantazi
• Romantično fantazi
• Gradsko fantazi ($urbanfantasy$)

Razděl na vysoko i nizko fantazi

Nizko fantazy ($lowfantasy$) jest podžanr fantazi, v ktorom magične personaži ili elementi jestvujut v normalnom světu, podobnom na naš svět.

Nizko fantazy jest različno od vysokogo fantazi ($highfantasy$), ktoro ima veliky izmysljeny fantastičny svět.

Klasifikacija po narodnomu stilu

• Skandinavsko fantazi jest podžanr fantazi, bazovany na germano-skandinavskoj mitologije.
• Slovjansko fantazi jest mlady podžanr, i iz togo povodu ješče ne jest konsensus o klasifikacije jego na grupy podolg slovjanskyh kultur. V mediah možno viděti slova „russko fantazi“, „poljsko fantazi”, “slovjansko fantazi” i dr. Slovo “slovjansko fantazi” može naležati do vseslovjanskogo fantazi ili do fantazi od jednogo iz slovjanskyh narodov.
• Orientalno fantazi jest bazovano na mitologije I folkloru Azije. Napr., Sjanjsja jest podžanr, bazovany na kitajskoj kulturě i folkloru.